sukhat tingal . sebambangan

 Ajo Sukhat Ku Ina

Ku Tulis Jinna Dibbi

Hati Mak Lagi Khiwa

Ya Mula Ku Lapahi

Kilu Mahap Khik Khila

Sembah suju Di Kuti

Udo,Abng,Khik Kaka

Alak,Minan,Sunyinni

Bapak Kahud ku Juga

Nyak Kilu Ampunanni

Nyani Kuti Tekebba

Tekejjud balak  Ati

Kidang Pengatu Ina

Kuti Dang niyok Lagi

Nyak Lapah Mak Terpaksa

Senang Khik Suka Hati

Calon Mantu Sa Ina

Mekhanai pekon awi

Anakni Batin Jaksa

Umpu Khadin Dipati

Jekhmani Bu-Agama

Jojong Manan Khik Kasi

Ya Anak Tan Sai Tuha 

Tiyan Khuwa Muakhi

Gelakhni Abang ......... 

Mekhanai Calaq Ngisi

Pekhangai Berwibawa

Sangun Sekula Tinggi

Kekhaja Di Kantor PEMDA

SK Pegawai Negeri

Usunganni Innova

Khadu Milik Pribadi

Kebauni Lamon Nana

Mawat Kehitung Lagi

Bisnisni Dipa-ipa

Bumacom-macom Khinci ni

Wat Saham Di Mayora

Togok Di Alfa Midi

Wat Munih Pabrik hanau

khukuk nipah gelakh ni

Duwit Lom Tabunganna

Tesippon Di BRI

Enol Bujejekh Siwa

Angka siwa Depanni

Ki Sabah Dang Ditanya

Bekhak Induh Ko Lagi

Mittakh Jak uwai kulak

Labas Di ham hamawi

Kikha Khenno Pai Ina

Dang Kuti Watekh Hati

Lapahanku Nyenghaja

Khadu Pakat Khik Janji

Kelajuanku Dipa

Ki Mawat Ku Lapahi

Badan Khadu Metuha

Khadu Sedong Masani

Sikam Berkeluarga

Nyepok Hakhungan Dikhi

Hayuni Munih Juga

Kuti Lagi Bedikhi

Tikacah Museddih Ga

Ki Kuti Mawat Lagi

Sikam Ampai Pugapa

Nungah Bubatuy Benni

Penguncu'anni Cawa

Kilu Ku Di kutti sunyinni

udo . Abang .Sunyinna

Adik Nakan Ku Lawi

Kantubang Subuh Bekka

Wat Kayunan Tan Dudi

petungga Wewwah pudak

Tekhima Hanjak Hati

Puput Tulisan Dija

Wassalam Ku Akhiri

Anakmu Kilu Khila

kilu mahap di Sunyini. 

wassalam